Leikkonan Judi Dench segir Bond-leikarann Daniel Craig hafa verið hvatamann að því að MI6-stjórinn M, sem Dench lék um árabil, yrði drepin. Hún hafi í gegnum árin grátbeðið framleiðendurna um að hleypa M út úr skrifstofunni en þegar loksins varð af því var hún drepin. Hún sé þakklát fyrir hlutverkið en hafi þó ekki grátið þegar henni var tilkynnt um örlög persónunnar, líkt og fjölmiðlar héldu fram.