Ísland stendur nú frammi fyrir mikilli íbúðauppbyggingu og ný fjölbýlishús rísa víða um land. Samhliða þessari þróun hafa reglulega komið fram fréttir af göllum í nýbyggingum, þar sem íbúar og húsfélög standa frammi fyrir kostnaðarsömum úrbótum skömmu eftir afhendingu. Svo ekki sé talað um umhverfisáhrifin sem ótímabærar viðgerðir og endurbætur geta haft í för með sér. Þetta vekur eðlilega spurningar um gæði bygginga, eftirlit og ábyrgð innan byggingargeirans.